ప్రముఖ స్మార్ట్‌ఫోన్ బ్రాండ్ Xiaomi నుంచి త్వరలో ఫ్లిప్ ఫోన్ లాంచ్ కానుంది. Xiaomi Mix Flip పేరుతో ఈ డివైజ్ మార్కెట్ లోకి వస్తోంది. గత నెలలో ఈ ఫోన్ 3సీ సర్టిఫికేషన్ పై లిస్ట్ అయ్యింది. తాజాగా ఎన్బీటీసీ డేటాబేస్ పై లిస్ట్ అయ్యింది. రానున్న కొన్ని వారాల్లో ఈ ఫోన్ లాంచ్ అవుతుందని అంచనా వేస్తున్నారు. ఓసారి Xiaomi Mix Flip యొక్క ఎన్బీటీసీ లిస్టింగ్ వివరాలు తెలుసుకుందాం.
Xiaomi Mix Flip ఎన్బీటీసీ లిస్టింగ్
Xiaomi Mix Flip స్మార్ట్‌ఫోన్ 2405CPX3DG అనే మోడల్ నంబర్ తో ఎన్బీటీసీ సైట్ పై లిస్ట్ అయ్యింది.
లిస్టింగ్ ద్వారా డివైజ్ పేరు Xiaomi Mix Flip అని కన్ఫర్మ్ అయ్యింది. లిస్టింగ్ లో పేరుని గమనించవచ్చు.
ఈ ఫోన్ 5జీ కనెక్టివిటీతో వస్తున్నట్లు లిస్టింగ్ ద్వారా తెలుస్తోంది. ఇంకా ఈ లిస్టింగ్ ద్వారా రివీలైన వివరాలు ఇవే. త్వరలోనే మరిన్ని విషయాలు తెలిసే అవకాశం ఉంది.
Xiaomi Mix Flip డిజైన్
లీక్ ప్రకారం, Xiaomi Mix Flip డివైజ్ బ్యాక్ ప్యానెల్ పై కవర్ స్క్రీన్ ఉంటుందని తెలుస్తోంది.
లీకైన ఇమేజ్ ని గమనిస్తే, డ్యూయల్ కెమెరా మాడ్యూల్ మరియు రెండు ఎల్ఈడీ ఫ్లాషెస్ కవర్ డిస్ప్లే పై కనిపిస్తున్నాయి.
కెమెరా మాడ్యూల్ పై లైకా లోగో కనిపిస్తోంది. ఇకపోతే, సగం వరకు బ్యాక్ ప్యానెల్ గోల్డెన్ ఫినిష్ తో ఉంది. అలాగే బాటమ్ లో షావోమి బ్రాండింగ్ ఉంది.
Xiaomi Mix Flip స్పెసిఫికేషన్స్ (అంచనా)
Xiaomi Mix Flip డివైజ్ 1.5కే రెజుల్యూషన్ తో వస్తున్నట్లు తెలుస్తోంది. డిస్ప్లే సైజ్ ఇంకా తెలియదు.
ఈ ఫ్లిప్ ఫోన్ లో క్వాల్కమ్ స్నాప్‌డ్రాగన్ 8 జెన్ 3 చిప్సెట్ ఉంటుందని లీక్ ద్వారా తెలుస్తోంది.
Xiaomi Mix Flip ఫోన్ లో 50ఎంపి ఓఐఎస్ ప్రైమరీ కెమెరా, 60ఎంపి ఒమ్నివిజన్ ఒవి60ఏ 1/2.8-ఇంచ్ సెన్సర్ 2ఎక్స్ ఆప్టికల్ జూమ్ సెన్సర్ ఉంటాయి.
Xiaomi Mix Flip లో సెల్ఫీస్, వీడియో కాల్స్ కోసం 32ఎంపి ఫ్రంట్ కెమెరా ఉండే అవకాశం ఉంది.
Xiaomi Mix Flip 67 వాట్ ఫాస్ట్ చార్జింగ్ సపోర్ట్ తో వస్తున్నట్లు సమాచారం. బ్యాటరీ కెపాసిటీ వివరాలు ఇంకా తెలియలేదు.
