Xiaomi సంస్థ కొన్ని రోజుల క్రితం Xiaomi 14, Xiaomi 14 Pro ఫోన్లను చైనాలో లాంచ్ చేసింది. ఇప్పుడు Xiaomi 14 Ultra ని లాంచ్ చేసేందుకు సిద్ధమవుతోంది. అయితే ఇంకా కచ్చితమైన లాంచ్ తేదీని కంపెనీ వెల్లడించలేదు. తాజాగా Xiaomi 14 Ultra కి సంబంధించిన కెమెరా వివరాలు బయటకు వచ్చాయి. ఓసారి ఆ విశేషాలేంటో తెలుసుకుందాం పదండి.
Xiaomi 14 Ultra స్పెసిఫికేషన్స్ (లీక్)
చైనాకు చెందిన సామాజిక మాధ్యమం Weibo పై ప్రముఖ టిప్‌స్టర్ డిజిటల్ చాట్ స్టేషన్ Xiaomi 14 Ultra యొక్క కెమెరా వివరాలను షేర్ చేసింది. ఆ పోస్ట్ ప్రకారం, Xiaomi 14 Ultra డివైజ్ క్వాడ్ కెమెరా సెటప్ తో వస్తున్నట్లు అర్థమవుతోంది. ఇందులో ఉండే 4 కెమెరాలు కూడా 50ఎంపి సెన్సర్స్ కావడం విశేషం.
- Xiaomi 14 Ultra లో వచ్చే కెమెరా సెటప్ వేరియబుల్ అపర్చర్ తో వస్తున్నట్లు సమాచారం.
- Xiaomi 14 Ultra లో ఉండే ప్రైమరీ కెమెరా f/1.6 నుంచి f/4.0 వరకు అపర్చర్స్ కలిగి ఉంటుంది.
- లీక్ ప్రకారం, లో 0.5x, 3.2x, 5x నేటివ్ ఫోకల్ లెంగ్త్స్ ఉంటాయని తెలుస్తోంది.
- లీక్ గనుక నిజమే అయితే, Xiaomi 14 Ultra కీలకమైన కెమెరా మెరుగుదలతో వస్తున్నట్లు స్పష్టమవుతోంది.
- ఇవి తప్పితే, Xiaomi 14 Ultra కి సంబంధించి మరే ఇతర వివరాలు బయటకు రాలేదు.
Xiaomi 14 Ultra స్పెసిఫికేషన్స్ (అంచనా)
- డిస్ప్లే: Xiaomi 14 Ultra లో 6.7-ఇంచ్ అమోలెడ్ 2కే స్క్రీన్, 120 హెర్ట్జ్ రిఫ్రెష్ రేట్, కర్వ్డ్ ఎడ్జెస్ ఉంటాయి.
- చిప్సెట్: Xiaomi 14 Ultra లో క్వాల్కమ్ స్నాప్ డ్రాగన్ 8 జెన్ 3 చిప్సెట్ ఉంటుంది.
- కెమెరా: Xiaomi 14 Ultra లో క్వాడ్ కెమెరా సెటప్ ఉంటుంది. ఇందులో 50ఎంపి ఓఐఎస్ మెయిన్ కెమెరా, 50ఎంపి అల్ట్రావైడ్ లెన్స్, 50ఎంపి టెలీఫోటో లెన్స్, 50ఎంపి సోని ఎల్‌వైటీ900 సెన్సర్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా అందిస్తున్నారు.
- ర్యామ్, స్టోరేజీ: Xiaomi 14 Ultra లో 12జిబి/16జిబి ర్యామ్, 256జిబి/1టిబి స్టోరేజీ ఉండే అవకాశం ఉంది.
- బ్యాటరీ: Xiaomi 14 Ultra లో పవర్ బ్యాకప్ కోసం 5,500 ఎంఏహెచ్ బ్యాటరీ ఉంటుంది.
- ఓఎస్: Xiaomi 14 Ultra డివైజ్ ఆండ్రాయిడ్ 14 ఓఎస్ ఆధారిత హైపర్ఓఎస్ కస్టమ్ స్కిన్ పై పని చేస్తుంది.
