ప్రముఖ స్మార్ట్‌ఫోన్ బ్రాండ్ Vivo తన హోమ్ మార్కెట్ చైనాలో తన తొలి జీ-సిరీస్ ఫోన్ లాంచ్ చేసింది. Vivo G2 అనే పేరుతో ఈ డివైజ్ మార్కెట్ లోకి వచ్చింది. Vivo G2 స్మార్ట్‌ఫోన్ మీడియాటెక్ డైమెన్సిటీ 6020 చిప్సెట్, 5,000 ఎంఏహెచ్ బ్యాటరీ, 8జిబి ర్యామ్ + 256జిబి వరకు స్టోరేజీ, 6.5-ఇంచ్ డిస్ప్లే వంటి స్పెసిఫికేషన్స్ తో వచ్చింది. సరే, ఓసారి Vivo G2 యొక్క పూర్తి స్పెసిఫికేషన్స్ మరియు ధర ఎలా ఉన్నాయో తెలుసుకుందాం పదండి.
Vivo G2 5G ధర, కలర్ ఆప్షన్స్
- Vivo G2 5G స్మార్ట్‌ఫోన్ నాలుగు స్టోరేజీ వేరియంట్స్ లో లభిస్తుంది. వీటి ధరలు ఎలా ఉన్నాయో చూద్దాం.
- Vivo G2 5G 4జిబి ర్యామ్ + 128జిబి స్టోరేజీ వేరియంట్ ధర 1,199 యువాన్లు (సుమారు రూ.13,998) గా ఉంది.
- Vivo G2 5G 6జిబి ర్యామ్ + 128జిబి స్టోరేజీ మోడల్ ధర 1,499 యువాన్లు (సుమారు రూ.17,499) గా ఉంది.
- Vivo G2 5G 8జిబి ర్యామ్ + 128జిబి స్టోరేజీ మోడల్ ధర 1,599 యువాన్లు (సుమారు రూ.18,899) గా ఉంది.
- Vivo G2 5G 8జిబి ర్యామ్ + 256జిబి స్టోరేజీ వేరియంట్ ధర 1,899 యువాన్లు (రూ.22,445) గా ఉంది.
- Vivo G2 5G డివైజ్ కలర్ ఆప్షన్స్ గురించి తెలుసుకుందాం. ఈ డివైజ్ కేవలం ‘డీప్ సీ బ్లాక్’ కలర్ ఆప్షన్ లో లభించనుంది.
Vivo G2 5G స్పెసిఫికేషన్స్
- డిస్ప్లే: Vivo G2 5G లో 6.56-ఇంచ్ హెచ్డీ+ ఎల్సీడీ స్క్రీన్, 90 హెర్ట్జ్ రిఫ్రెష్ రేట్, 1612*720 పిక్సెల్స్ రెజుల్యూషన్, వాటర్ డ్రాప్ నాచ్ డిజైన్ ఉన్నాయి.
- ప్రాసెసర్: Vivo G2 5G లో మీడియాటెక్ డైమెన్సిటీ 6020 చిప్సెట్ వాడారు.
- ర్యామ్, స్టోరేజీ: Vivo G2 5G డివైజ్ లో 8జిబి ఎల్పీడీడీఆర్4ఎక్స్ ర్యామ్, 256జిబి వరకు యూఎఫ్ఎస్ 2.2 స్టోరేజీ ఉన్నాయి. మైక్రోఎస్డీ కార్డ్ సాయంతో మెమొరీని పెంచుకునే వీలుంది.
- కెమెరా: Vivo G2 5G లో 13ఎంపి సింగిల్ రియర్ కెమెరా ఉంది. దీనికి తోడు ఒక ఎల్ఈడీ ఫ్లాష్ ఉంది. సెల్ఫీస్, వీడియో కాల్స్ కోసం ఈ ఫోన్ లో 5ఎంపి ఫ్రంట్ కెమెరా ఇచ్చారు.
- బ్యాటరీ: Vivo G2 5G లో పవర్ బ్యాకప్ కోసం 5,000 ఎంఏహెచ్ బ్యాటరీ అందించారు. ఇది 15 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Vivo G2 5G డివైజ్ ఆండ్రాయిడ్ 13 ఓఎస్ ఆధారిత ఒరిజిన్ ఓఎస్ 3 కస్టమ్ స్కిన్ పై పని చేస్తుంది.
- కనెక్టివిటీ: Vivo G2 5G లో డ్యూయల్ సిమ్, 5జీ, వై-ఫై, బ్లూటూత్ 5.1, జీపీఎస్, 3.5ఎంఎం ఆడియో జాక్ ఉన్నాయి.
- సెక్యూరిటీ: Vivo G2 5G లో భద్రత కోసం సైడ్ మౌంటెడ్ ఫింగర్ ప్రింట్ స్కానర్ అందించారు.