టెక్నో సంస్థ భారత్ లో Tecno POVA 5 సిరీస్ ని లాంచ్ చేసింది. ఈ లైనప్ లో భాగంగా Tecno POVA 5, Tecno POVA 5 Pro అనే మోడల్స్ మార్కెట్ లోకి వచ్చాయి. ఈ ఫోన్లలో Tecno POVA 5 Pro మోడల్ చూడటానికి Nothing Phone 2 మాదిరిగా కనిపిస్తుంది. అయితే కంపెనీ ఈ ఫోన్ డిజైన్ ని ఆర్క్ ఇంటర్‌ఫేస్ అని పిలుస్తోంది. Tecno POVA 5 Pro మోడల్ లో మాత్రమే ఈ డిజైన్ ఉంటుంది. బ్యాక్ ప్యానెల్ పై ఎల్ఈడీ లైట్స్ ఉంటాయి. ఫోన్ కాల్స్, నోటిఫికేషన్స్ వచ్చినప్పుడు ఈ లైట్స్ గ్లో అవుతాయి.
Tecno POVA 5, POVA 5 Pro ధరలు
- భారతీయ మార్కెట్ లో Tecno POVA 5 8జిబి ర్యామ్ + 128జిబి స్టోరేజీ వేరియంట్ ధరను రూ.11,999 గా నిర్ణయించారు. ఈ టెక్నో ఫోన్ ని ఆగస్టు 22 నుంచి కొనుగోలు చేయవచ్చు. మెకా బ్లాక్, అంబర్ గోల్డ్ మరియు హరికేన్ బ్లూ కలర్ ఆప్షన్స్ లో కొనుగోలు చేయవచ్చు.
- Tecno POVA 5 Pro స్మార్ట్ ఫోన్ ని 8జిబి ర్యామ్ తో భారతీయ మార్కెట్ లో లాంచ్ చేసారు. బేస్ వేరియంట్ 128జిబి ని ఆఫర్ చేస్తుంది. టాప్ వేరియంట్ 256జిబి స్టోరేజీని అందిస్తుంది. Tecno POVA 5 Pro ధరను రూ.14,999 గా నిర్ణయించారు. ఆగస్టు 22 నుంచి ఈ ఫోన్ కొనుగోలుకి అందుబాటులో ఉంటుంది. ఈ ఫోన్ డార్క్ ఇల్యూషన్, ఫ్యాంటసీ సిల్వర్ కలర్ ఆప్షన్స్ లో అందుబాటులో ఉంటుంది.
Tecno POVA 5 స్పెసిఫికేషన్స్
- స్క్రీన్: Tecno POVA 5 లో 6.78-ఇంచ్ ఫుల్ హెచ్డీ+ డిస్ప్లే, 120 హెర్ట్జ్ రిఫ్రెష్ రేట్ ఉన్నాయి.
- చిప్సెట్: Tecno POVA 5 స్మార్ట్ ఫోన్ లో మీడియాటెక్ హీలియో జీ99 చిప్ ఉంది. ఇది 6 నానోమీటర్ ప్రాసెస్ పై తయారైంది.
- ఓఎస్: Tecno POVA 5 డివైజ్ ఆండ్రాయిడ్ 13 ఓఎస్ ఆధారిత హైఓఎస్ 13.1 కస్టమ్ స్కిన్ పై పని చేస్తుంది.
- మెమొరీ: Tecno POVA 5 స్మార్ట్ ఫోన్ లో 8జిబి వర్చువల్ ర్యామ్, 8జిబి ఫిజికల్ ర్యామ్, 128జిబి స్టోరేజీ ఉన్నాయి.
- కెమెరా: Tecno POVA 5 లో డ్యూయల్ రియర్ కెమెరా సెటప్ ఉంది. ఇందులో 50ఎంపి ప్రైమరీ కెమెరా, ఏఐ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా అందించారు.
- బ్యాటరీ: Tecno POVA 5 లో పవర్ బ్యాకప్ కోసం 6000 ఎంఏహెచ్ బ్యాటరీ ఉంది. ఇది 45 వాట్ ఫాస్ట్ చార్జింగ్ కి సపోర్ట్ చేస్తుంది.
Tecno POVA 5 Pro స్పెసిఫికేషన్స్
- స్క్రీన్: Tecno POVA 5 Pro లో 6.78-ఇంచ్ ఫుల్ హెచ్డీ+ డిస్ప్లే, 120 హెర్ట్జ్ రిఫ్రెష్ రేట్ ఉన్నాయి.
- చిప్సెట్: Tecno POVA 5 Pro లో మీడియాటెక్ డైమెన్సిటీ 6080 చిప్ వాడారు. గ్రాఫిక్స్ కోసం మాలి-జీ57 ఎంసీ2 జీపీయూ వినియోగించారు.
- కెమెరా: Tecno POVA 5 Pro లో 50ఎంపి మెయిన్ కెమెరా, ఏఐ లెన్స్ ఉన్నాయి. సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా అందించారు.
- బ్యాటరీ, చార్జింగ్: Tecno POVA 5 Pro లో పవర్ బ్యాకప్ కోసం 5000 ఎంఏహెచ్ బ్యాటరీ అందించారు. ఇది 68 వాట్ ఫాస్ట్ చార్జింగ్ కి సపోర్ట్ చేస్తుంది.
- ఇతర ఫీచర్లు: Tecno POVA 5 Pro లో ఎన్ఎఫ్‌సీ, 3.5ఎంఎం ఆడియో జాక్, సైడ్ మౌంటెడ్ ఫింగర్ ప్రింట్ స్కానర్, యూఎస్బీ టైప్-సీ పోర్ట్ మరియు ఇతర కనెక్టివిటీ ఫీచర్లు ఉన్నాయి.
