శాంసంగ్ అభిమానులు ఎంతగానో ఎదురు చూస్తున్న రోజు వచ్చేసింది. రేపు అనగా 2024 జనవరి 17 న Galaxy Unpacked 2024 ఈవెంట్ జరగనుంది. ఈ ప్లాట్ఫామ్ ద్వారా Galaxy AI మరియు కొత్త స్మార్ట్‌ఫోన్ సిరీస్ Galaxy S24 భారత్ లో లాంచ్ కానుంది. ఒకవేళ, మీరు గనుక గెలాక్సీ అన్‌ప్యాక్డ్ 2024 ఈవెంట్‌ని లైవ్ లో చూడాలనుకుంటే ఎలాగో మీకు మేం తెలియజేస్తాం. ఈ విధానం క్రింద అందజేస్తున్నాం. ఓసారి చదివి తెలుసుకోండి.
Galaxy Unpacked 2024 ఈవెంట్ లైవ్ ఎక్కడ చూడాలి?
అమెరికాలోని క్యాలిఫోర్నియాలో గెలాక్సీ అన్‌ప్యాక్డ్ 2024 గ్లోబల్ ఈవెంట్ నిర్వహించబడుతోంది. ఈవెంట్ ప్రత్యక్షప్రసారాన్ని భారత్ నుంచి వీక్షించవచ్చు. జనవరి 17న రాత్రి 11.30 గంటలకు ఈవెంట్ ప్రత్యక్షప్రసారం భారత్ లో మొదలవుతుంది. కంపెనీ వెబ్‌సైట్ శాంసంగ్ ఇండియా తో పాటు శాంసంగ్ న్యూస్‌రూమ్ ఇండియా ద్వారా ఈవెంట్ లైవ్ ని చూడవచ్చు.
శాంసంగ్ యొక్క సోషల్ మీడియా ప్లాట్ఫామ్స్ X మరియు Facebook లతో పాటు YouTube ఛానల్ ద్వారా Galaxy Unpacked Event 2024 లైవ్ ని చూడవచ్చు. క్రింద ఇవ్వబడిన వీడియో విండో ద్వారా ఈవెంట్ లైవ్ ని వీక్షించవచ్చు.
Galaxy Unpacked 2024 లో ఏమి లాంచ్ కానున్నాయి?
భారత్ లో శాంసంగ్ ఉత్పత్తులకు, ప్రత్యేకించి స్మార్ట్‌ఫోన్లకు మాంచి గిరాకీ ఉన్న సంగతి తెలిసిందే. అందుకోసమే శాంసంగ్ గ్లోబల్ మార్కెట్స్ తో పాటు భారత్ లో కూడా ఏకకాలంలో తన ఉత్పత్తులను లాంచ్ చేస్తోంది. Galaxy S24 సిరీస్ లో 3 స్మార్ట్‌ఫోన్లు జనవరి 17న లాంచ్ కానున్నాయి. ఈ లైనప్ లో Samsung Galaxy S24, Galaxy S24 Plus మరియు Galaxy S24 Ultra డివైజెస్ లాంచ్ కానున్నాయి. ఇంకా కొత్త ఆర్టిఫిషియల్ ఇంటెలిజెన్స్ టెక్నాలజీని శాంసంగ్ ఈ ఈవెంట్ లో లాంచ్ చేయనుంది.
Samsung Galaxy S24 ధర (అంచనా)
Samsung Galaxy S24 డివైజ్ 8జిబి ర్యామ్, 256జిబి స్టోరేజీ వేరియంట్ ధర భారత్ లో రూ.72,990 తో మొదలవుతుందని సమాచారం.
Samsung Galaxy S24 Plus ధర
Samsung Galaxy S24 Plus రెండు మెమొరీ వేరియంట్స్ లో లాంచ్ కానుంది. 12జిబి ర్యామ్ + 256జిబి స్టోరేజీ మోడల్ ధర రూ.82,990 గా ఉంటుందని అంచనా.
Samsung Galaxy S24 Plus 12జిబి ర్యామ్ + 512జిబి స్టోరేజీ వేరియంట్ ధర రూ.92,990 గా ఉండే అవకాశం ఉంది.
Samsung Galaxy S24 Ultra
Samsung Galaxy S24 Ultra మూడు మెమొరీ వేరియంట్స్ లో రానుంది.
అవి: 12జిబి ర్యామ్ + 256జిబి స్టోరేజీ, 12జిబి ర్యామ్ + 512జిబి స్టోరేజీ మరియు 16జిబి ర్యామ్ + 1టిబి స్టోరేజీ.
లీక్ ప్రకారం, Samsung Galaxy S24 Ultra ధర సుమారు రూ.1,19,990 వద్ద మొదలై రూ.1,32,990 వరకు ఉండే అవకాశం ఉంది.
