ప్రముఖ స్మార్ట్‌ఫోన్ బ్రాండ్ Realme నేడు భారతీయ మార్కెట్ లో కొత్త పీ-సిరీస్ ఫోన్లను లాంచ్ చేసింది. ఈ లైనప్ లో Realme P1 5G మరియు Realme P1 Pro 5G అనే ఫోన్లు లాంచ్ అయ్యాయి. ఆకట్టుకునే ఫీచర్లతో ఈ ఫోన్లు మార్కెట్ లోకి వచ్చాయి. ఈ ఆర్టికల్ లో Realme P1 Pro 5G లో ఉన్న టాప్ ఫీచర్ల గురించి తెలుసుకుందాం.
Realme P1 Pro 5G లోని టాప్ ఫీచర్లు
120Hz OLED స్క్రీన్: Realme P1 Pro 5G లో 120 హెర్ట్జ్ రిఫ్రెష్ రేట్, ఓఎల్ఈడీ ప్యానెల్, 6.7-ఇంచ్ భారీ స్క్రీన్ అందించారు. డిస్ప్లే విభాగం కచ్చితంగా బిగ్ ప్లస్ అని చెప్పవచ్చు. సినిమాలు, వీడియోలు చూసేందుకు ఈ భారీ డిస్ప్లే ఎంతో బాగుంటుంది.
IP65 రేటింగ్: Realme P1 Pro 5G ఐపీ65 వాటర్ అండ్ డస్ట్ రెసిస్టన్స్ రేటింగ్ తో వచ్చింది. భద్రత విషయంలో ఈ ఫోన్ తన సెగ్మెంట్ లో ఉన్న ఫోన్ల కంటే ఎంతో మెరుగైన స్థానంలో ఉందని చెప్పవచ్చు.
45W చార్జింగ్: Realme P1 Pro 5G డివైజ్ లో 5000 ఎంఏహెచ్ బ్యాటరీ ఇచ్చారు. ఇది 45 వాట్ ఫాస్ట్ చార్జింగ్ కి సపోర్ట్ చేస్తుంది.
చిప్సెట్: Realme P1 Pro 5G లో క్వాల్కమ్ స్నాప్‌డ్రాగన్ 6 జెన్ 1 చిప్సెట్ అందించారు. దీని హయ్యస్ట్ క్లాక్ స్పీడ్ 2.2GHz. గేమింగ్ మరియు ఇతర పనులకు ఈ ప్రాసెసర్ బాగా సరిపోతుంది. ఈ ఫోన్ లో 3డీ వీసీ కూలింగ్ సిస్టమ్ కూడా ఇచ్చారు.
Rainwater Touch: Realme P1 Pro 5G లో రెయిన్‌వాటర్ టచ్ ఫీచర్ అందించారు. దీని ద్వారా స్క్రీన్ పై వాటర్ ఉన్నప్పటికీ టచ్ ఆపరేషన్ యథావిధిగా చేసుకోవచ్చు.
పైన తెలిపిన 5 ఫీచర్లతో పాటు ఈ ఫోన్ లో ఇంకా 5GHz వై-ఫై, బ్లూటూత్ 5.2, హై-రెజ్ డ్యూయల్ స్పీకర్, 9 5జీ బ్యాండ్స్ సపోర్ట్ వంటి ఫీచర్లు ఉన్నాయి.
Realme P1 Pro 5G స్పెసిఫికేషన్స్
స్క్రీన్: Realme P1 Pro 5G లో 6.7-ఇంచ్ ఫుల్ హెచ్డీ+ కర్వ్డ్ విజన్ ఓఎల్ఈడీ డిస్ప్లే, 2412*1080 పిక్సెల్స్ రెజుల్యూషన్, 240 హెర్ట్జ్ టచ్ శాంప్లింగ్ రేట్, 950 పీక్ బ్రైట్నెస్, 120 హెర్ట్జ్ రిఫ్రెష్ రేట్, టీయూవీ రెయిన్‌ల్యాండ్ ప్రొటెక్షన్ ఉన్నాయి.
ప్రాసెసర్: Realme P1 Pro 5G లో క్వాల్కమ్ స్నాప్‌డ్రాగన్ 6 జెన్ 1 చిప్సెట్ వాడారు. దీని హై క్లాక్ స్పీడ్ 2.2GHz. గ్రాఫిక్స్ కోసం అడ్రెనో 710 జీపీయూ ఉపయోగించారు.
ర్యామ్, స్టోరేజీ: Realme P1 Pro 5G డివైజ్ 8జిబి ర్యామ్, 128జిబి/256జిబి స్టోరేజీ ఆప్షన్స్ లో లభిస్తుంది. 8జిబి ఎక్స్‌టెండెడ్ ర్యామ్ ద్వారా గరిష్టంగా 16జిబి వరకు ర్యామ్ పవర్ యూజర్ కి లభిస్తుంది. యూఎఫ్ఎస్ 3.1 టెక్నాలజీని ఈ ఫోన్ లో అందించారు.
ఓఎస్: Realme P1 Pro 5G స్మార్ట్‌ఫోన్ ఆండ్రాయిడ్ 14 ఓఎస్ ఆధారిత రియల్మీ యూఐ 5.0 కస్టమ్ స్కిన్ పై పని చేస్తుంది.
కెమెరా: Realme P1 Pro 5G లో డ్యూయల్ రియర్ కెమెరా సెటప్ ఉంది. ఇందులో 50ఎంపి సోని ఎల్‌వైటీ 600 ఓఐఎస్ కెమెరా, 8ఎంపి అల్ట్రావైడ్ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
బ్యాటరీ: Realme P1 Pro 5G ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 45 వాట్ సూపర్‌వూక్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: Realme P1 Pro 5G డివైజ్ లో డ్యూయల్ సిమ్, 5జీ, 4జీ, జీపీఎస్, గ్లొనాస్, గెలీలియో, బైడూ, యూఎస్బీ 2.0, బ్లూటూత్ 5.2, వై-ఫై 6 వంటి కనెక్టివిటీ ఆప్షన్స్ ఉన్నాయి.
