ప్రముఖ స్మార్ట్‌ఫోన్ బ్రాండ్ Realme తన నంబర్ సిరీస్ ను మరింత విస్తరించబోతోంది. అందులో భాగంగా, Realme 13 Pro సిరీస్ ను త్వరలో లాంచ్ చేయనుంది. ఈ లైనప్ లో రియల్మీ 13 ప్రో రియల్మీ 13 ప్రో+ డివైజెస్ లాంచ్ కానున్నాయి. తాజాగా Realme 13 Pro Plus డివైజ్ సర్టిఫికేషన్ డేటాబేస్ TENAA పై లిస్ట్ అయ్యింది. ఓసారి ఆ వివరాలు తెలుసుకుందాం.
Realme 13 Pro Plus టీఈఎన్ఏఏ లిస్టింగ్
Realme 13 Pro Plus స్మార్ట్‌ఫోన్ సర్టిపికేషన్ వెబ్‌సైట్ TENAA పై RMX3920 తో లిస్ట్ అయ్యింది. రివీలైన ఇమేజ్‌ని గమనిస్తే, కర్వ్డ్-ఎడ్జ్ స్క్రీన్ ఉన్నట్లు తెలుస్తోంది.
Realme 13 Pro Plus బ్యాక్ ప్యానెల్ పై సర్క్యులర్ కెమెరా మాడ్యూయల్ లో 3 కెమెరాలు, ఒక ఎల్ఈడీ ఫ్లాష్ ఉన్నాయి.
కెమెరా మాడ్యూల్ కి క్రింద హైపర్ఇమేజ్+ అని టెక్స్ట్ రాసి ఉంది. అలాగే బాటమ్ లో రియల్మీ బ్రాండ్ ఉంది.
Realme 13 Pro Plus స్పెసిఫికేషన్స్ (అంచనా)
డిస్ప్లే: Realme 13 Pro Plus లో 6.7-ఇంచ్ కర్వ్డ్ అమోలెడ్ స్క్రీన్, ఫుల్ హెచ్డీ+ రెజుల్యూషన్ (2412*1080 పిక్సెల్స్), ఇన్-డిస్ప్లే ఫింగర్‌ప్రింట్ స్కానర్ ఉంటాయి.
చిప్సెట్: Realme 13 Pro Plus లో క్వాల్కమ్ స్నాప్‌డ్రాగన్ 7ఎస్ జెన్ 2 చిప్ లేదా 7ఎస్ జెన్ 3 చిప్ ఉంటుంది.
ర్యామ్, స్టోరేజీ: Realme 13 Pro Plus డివైజ్ 6జిబి/8జిబి/12జిబి/16జిబి ర్యామ్, 128జిబి/256జిబి/512జిబి/1టిబి స్టోరేజీ ఆప్షన్స్ లో లాంచ్ అవుతుంది.
కెమెరా: Realme 13 Pro Plus లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, 8ఎంపి అల్ట్రావైడ్ లెన్స్, 50ఎంపి థర్డ్ లెన్స్ ఉంటాయి. సోని ఐఎంఎక్స్890 ప్రైమరీ కెమెరా, సోని ఐఎంఎక్స్882 పెరిస్కోప్ టెలీఫోటో 3ఎక్స్ లెన్స్ ఈ ఫోన్ లో ఉంటాయని గత రిపోర్ట్స్ ద్వారా తెలుస్తోంది.
బ్యాటరీ: Realme 13 Pro Plus లో పవర్ బ్యాకప్ కోసం 5050 ఎంఏహెచ్ బ్యాటరీ ఉంటుంది. ఇది 80 వాట్ ఫాస్ట్ చార్జింగ్ టెక్నాలజీతో వస్తోంది.
కనెక్టివిటీ: Realme 13 Pro Plus లో 5జీ, 4జీ, బ్లూటూత్, వై-ఫై వంటి ఆప్షన్స్ ఉంటాయి.
