ప్రముఖ స్మార్ట్ఫోన్ బ్రాండ్ Realme త్వరలో 13 Pro 5G సిరీస్ను భారత్లో లాంచ్ లాంచ్ చేయనుంది. 2024 జనవరిలో లాంచైన రియల్మీ 12 ప్రో 5జీ సిరీస్ కు ఇది సక్సెసర్ గా వస్తోంది. Realme 13 Pro 5G ప్రొఫెషనల్ ఏఐ కెమెరా కలిగిన మొదటి రియల్మీ ఫోన్గా నిలవనుంది. మరి ఈ ఫోన్ నుంచి ఏం ఆశించవచ్చో తెలుసుకుందాం.
Realme 13 Pro 5G సిరీస్ టీజర్ విశేషాలు
Realme 13 Pro 5G డివైజ్ యొక్క టీజర్ను రియల్మీ సోషల్ మీడియా ద్వారా పంచుకుంది. టీజర్ను గమనిస్తే, ప్రధానంగా కెమెరా మాడ్యూల్ను హైలైట్స్ చేస్తున్నట్లు అర్థమవుతోంది. దీన్ని బట్టి, రాబోవు Realme 13 Pro 5G ఇండస్ట్రీ-ఫస్ట్ ఏఐ ఫీచర్లను తీసుకురానుందని తెలుస్తోంది.
We have built a legacy for everyone to be inspired by!
The number series saga is here to unfold the next one in the line.Stay tuned for what’s coming next. pic.twitter.com/NL7FUb6Nvc
— realme (@realmeIndia) June 30, 2024
Realme 13 Pro+ 5G స్పెసిఫికేషన్స్ (లీక్)
Realme 13 Pro+ 5G స్మార్ట్ఫోన్ 50ఎంపి సోని ఐఎంఎక్స్890 ప్రైమరీ కెమెరా, 8ఎంపి అల్ట్రావైడ్ లెన్స్, 50ఎంపి సోని ఐఎంఎక్స్882 పెరిస్కోప్ టెలీఫోటో 3ఎక్స్ జూమ్ కెమెరా, 32ఎంపి సెల్పీ కెమెరాతో వస్తోంది.
Realme 13 Pro+ 5G డివైజ్ ఇటీవలె ఎఫ్సీసీ డేటాబేస్ పై లిస్ట్ అయ్యింది. దీని ద్వారా 5050 ఎంఏహెచ్ బ్యాటరీతో వస్తున్నట్లు తెలిసింది. ఇంకా ఈ ఫోన్ 190 గ్రాముల బరువు, 8.23 మి.మీ మందం ఉంటుంది. ఆండ్రాయిడ్ 14 ఓఎస్, రియల్మీ యూఐ 5 కస్టమ్ స్కిన్ తో ఈ ఫోన్ లాంచ్ కానుంది.
మరోవైపు Realme 13 Pro 5G డివైజ్ 8జిబి ర్యామ్ + 128జిబి స్టోరేజీ, 8జిబి ర్యామ్ + 256జిబి స్టోరేజీ, 12జిబి ర్యామ్ + 256జిబి స్టోరేజీ, 12జిబి ర్యామ్ + 512జిబి స్టోరేజీ వేరియంట్స్ లో లాంచ్ కానుందని ఇటీవలె 91mobiles రివీల్ చేసింది. అలాగే ఈ ఫోన్ మోనెట్ గోల్డ్, మోనెట్ పర్పుల్ మరియు స్కై గ్రీన్ కలర్ ఆప్షన్స్ లో భారత్ లో లాంచ్ కానుందని సమాచారం. రానున్న రోజుల్లో Realme 13 Pro సిరీస్ కి సంబంధించి మరిన్ని వివరాలు తెలియనున్నాయి.