ప్రముఖ స్మార్ట్ఫోన్ బ్రాండ్ Realme నుంచి కొత్త నంబర్ సిరీస్ లాంచ్ కాబోతోంది. Realme 13 Pro మరియు Realme 13 Pro+ ఈ సిరీస్ లో భారతీయ మార్కెట్ లోకి ఎంట్రీ ఇవ్వనున్నాయి. తాజాగా ఇండియా లాంచ్ తేదీని రియల్మీ ఖరారు చేసింది. జులై 30వ తేదీన ఈ రియల్మీ 13 ప్రో సిరీస్ విడుదలవుతోంది. హైపర్ఇమేజ్+ తో కూడిన ఏఐ ఫోటోగ్రఫీని ఈ సిరీస్ లో అందిస్తున్నారు. పూర్తి వివరాలు తెలుసుకుందాం పదండి.
Realme 13 Pro సిరీస్ ఇండియా లాంచ్ తేదీ
Realme 13 Pro సిరీస్ భారత్ లో జులై 30న లాంచ్ అవుతుందని రియల్మీ సంస్థ అధికారికంగా ప్రకటించింది. ఈ లైనప్ లో రియల్మీ 13 ప్రో 5జీ మరియు రియల్మీ 13 ప్రో ప్లస్ 5జీ స్మార్ట్ఫోన్లు విడుదలవుతున్నాయి. లాంచ్ ఈవెంట్ను రియల్మీ వెబ్సైట్ మరియు రియల్మీ సోషల్ మీడియా చానల్స్ ద్వారా చూడవచ్చు.
Realme 13 Pro మరియు Realme 13 Pro+ డివైజెస్ మానెట్ గోల్డ్, మానెట్ పర్పుల్, ఎమరాల్డ్ గ్రీన్ కలర్స్ లో లాంచ్ అవుతాయి. వీటిలో మానెట్ కలర్స్ రెండూ గ్లాస్ ప్యానెల్ తో వస్తున్నాయి. మరోవైపు, ఎమరాల్డ్ గ్రీన్ వీగన్ లెదర్ బ్యాక్ ఫినిష్ తో వస్తోంది.
Realme 13 Pro+ కెమెరా వివరాలు
రియల్మీ సంస్థ ఇప్పటికే Realme 13 Pro+ కెమెరా వివరాలను వెల్లడించింది. వాటి ప్రకారం, ఈ ఫోన్ డ్యూయల్ రియర్ కెమెరా సెటప్ తో వస్తోంది. ఇందులో 50ఎంపి ఓఐఎస్ సోని ఎల్వైటీ-701 ప్రైమరీ కెమెరా, 50ఎంపి సోని ఎల్వైటీ-600 పెరిస్కోప్ టెలీఫోటో 3ఎక్స్ ఆప్టికల్ జూమ్ లెన్స్ ఉంటాయి. రియల్మీ 13 ప్రో మరియు రియల్మీ 13 ప్రో ప్లస్ ఫోన్లలో హైపర్ఇమేజ్+ తో కూడిన ఏఐ ఫోటోగ్రఫీ ఆర్కిటెక్చర్ ఉంటుంది.