ప్రముఖ స్మార్ట్‌ఫోన్ బ్రాండ్ Realme నుంచి త్వరలో 12x 5G అనే స్మార్ట్‌ఫోన్ లాంచ్ కానుంది. ఇప్పటికే ఈ ఫోన్ చైనాలో లాంచ్ అయ్యింది. ఇప్పుడు ఇండియా లాంచ్ కోసం రియల్మీ లవర్స్ ఎదురు చూస్తున్నారు. తాజాగా ఇండియా లాంచ్ తేదీ ప్రకటన వెలువడింది. ఓసారి Realme 12x 5G యొక్క ఇండియా లాంచ్ తేదీ, అంచనా ధర మరియు స్పెసిఫికేషన్స్ తదితర వివరాలు తెలుసుకుందాం పదండి.
Realme 12x 5G ఇండియా లాంచ్ తేదీ
Realme 12x 5G స్మార్ట్‌ఫోన్ భారతీయ మార్కెట్ లో ఏప్రిల్ 2న లాంచ్ అవుతోంది. అధికార ప్రకటన ద్వారా రియల్మీ ఈ విషయాన్ని వెల్లడించింది. ఏప్రిల్ 2వ తేదీన మధ్యాహ్నం 12 గంటలకు ఫోన్ లాంచ్ అవుతుంది. ఫ్లిప్‌కార్ట్ పై ఇప్పటికే ప్రొడక్ట్ పేజీ దర్శనమిస్తోంది. లాంచ్ ఈవెంట్ ని రియల్మీ యొక్క సోషల్ మీడియా ప్లాట్ఫామ్స్ ద్వారా చూడవచ్చు.
Realme 12x 5G ధర (అంచనా)
Realme 12x 5G స్మార్ట్‌ఫోన్ చైనాలో 12జిబి ర్యామ్ తో లాంచ్ అయ్యింది. 256జిబి స్టోరేజీ మోడల్ ధర 1499 యువాన్లు (సుమారు రూ.17,000) గా ఉంది. 512జిబి స్టోరేజీ మోడల్ ధర 1799 యువాన్లు (సుమారు రూ.20,000) గా ఉంది. భారత్ లో ధరలు దాదాపుగా ఇదే రేంజ్ లో ఉండే అవకాశం ఉంది.
Realme 12x 5G స్పెసిఫికేషన్స్
- డిస్ప్లే: Realme 12x 5G లో 6.67-ఇంచ్ ఫుల్ హెచ్డీ+ స్క్రీన్, పంచ్-హోల్ కటౌట్, 120 హెర్ట్జ్ రిఫ్రెష్ రేట్, 625 నిట్స్ బ్రైట్నెస్, ఎల్సీడీ ప్యానెల్ ఉన్నాయి.
- ప్రాసెసర్: Realme 12x 5G లో మీడియాటెక్ డైమెన్సిటీ 6100+ చిప్సెట్ వాడారు. ఇది 6 నానోమీటర్ ఫ్యాబ్రికేషన్ పై తయారైంది.
- ఓఎస్: Realme 12x 5G డివైజ్ ఆండ్రాయిడ్ 14 ఓఎస్ ఆధారిత రియల్మీ యూఐ 5.0 కస్టమ్ స్కిన్ పై పని చేస్తుంది.
- ర్యామ్, స్టోరేజీ: Realme 12x 5G 12జిబి ర్యామ్, 12జిబి వర్చువల్ ర్యామ్, 256జిబి స్టోరేజీతో వచ్చింది. యూజర్ కి 24జిబి ర్యామ్ పవర్ లభిస్తుంది.
- కెమెరా: Realme 12x 5G లో డ్యూయల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా ఉంది.
- బ్యాటరీ: Realme 12x 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఇచ్చారు. ఇది 15 వాట్ ఫాస్ట్ చార్జింగ్ కి సపోర్ట్ చేస్తుంది. అయితే ఇండియన్ మోడల్ 45 వాట్ ఫాస్ట్ చార్జింగ్ సపోర్ట్ తో వస్తున్నట్లు సమాచారం.
- కనెక్టివిటీ: Realme 12x 5G లో డ్యూయల్ సిమ్, 5జీ, 4జీ, బ్లూటూత్, వై-ఫై ఉన్నాయి.
- ఇతర ఫీచర్లు: Realme 12x 5G లో డైనమిక్ బటన్, ఐపీ57 రేటింగ్, 3.5ఎంఎం ఆడియో జాక్, సైడ్-మౌంటెడ్ ఫింగర్‌ప్రింట్ స్కానర్ ఉన్నాయి.
