ప్రముఖ స్మార్ట్‌ఫోన్ బ్రాండ్ Realme తాజాగా తన రియల్మీ 12 సిరీస్ ఫోన్ ధరను తగ్గించింది. Realme 12 Pro+ 5G ఫోన్ ఇప్పుడు యూజర్లకు చవకగా లభించనుంది. ఈ ఫోన్ పై రూ.3,000 తగ్గింపును కంపెనీ ప్రకటించింది. దీంతో ఈ ఫోన్ యూజర్లకు మరింత అందుబాటు ధరలోకి వచ్చింది. సరే, ఓసారి రియల్మీ 12 ప్రో+ 5జీ యొక్క కొత్త ధర, ఆఫర్లు మరియు స్పెసిఫికేషన్స్ తెలుసుకుందాం.
Realme 12 Pro+ 5G ధర
రియల్మీ కొత్త ఆఫర్ గమనిస్తే, Realme 12 Pro+ 5G డివైజ్ ధర రూ.3,000 తగ్గింది. ఈ ఆఫర్ అన్ని మెమొరీ వేరియంట్స్ కి వర్తిస్తుంది.
తగ్గింపు తర్వాత కొత్త ధరలు ఎలా ఉన్నాయో తెలుసుకుందాం. 8జిబి ర్యామ్ + 128జిబి స్టోరేజీ మోడల్ ధర రూ.26,999 గా ఉంది.
8జిబి ర్యామ్ + 256జిబి స్టోరేజీ వేరియంట్ ధర రూ.28,999 గా ఉంది. 12జిబి ర్యామ్ + 256జిబి స్టోరేజీ టాప్ వేరియంట్ ధర రూ.30,999 గా ఉంది.
ఇదివరకు వీటి ధరలు వరుసగా, రూ.29,999, 31,999 మరియు రూ.33,999 గా ఉన్నాయి.
Realme 12 Pro+ 5G పై ఆఫర్ అన్ని రిటైల్ ఔట్‌లెట్స్ లో జులై 1 నుంచి జులై 10 వరకు అందుబాటులో ఉంటుంది.
Realme 12 Pro+ 5G స్మార్ట్‌ఫోన్ సబ్‌మరైన్ బ్లూ, నేవిగేటర్ బీజ్ మరియు ఎక్స్‌ప్లోరర్ రెడ్ కలర్ ఆప్షన్స్ లో లభిస్తుంది.
Realme 12 Pro+ 5G స్పెసిఫికేషన్స్
డిస్ప్లే: Realme 12 Pro+ 5G లో 6.7-ఇంచ్ ఫుల్ హెచ్డీ+ స్క్రీన్, 2412*1080 పిక్సెల్స్ రెజుల్యూషన్, కర్వ్డ్ ఎడ్జ్ డిస్ప్లే, ఓఎల్ఈడీ ప్యానెల్, 120 హెర్ట్జ్ రిఫ్రెష్ రేట్, ఇన్-డిస్ప్లే ఫింగర్ ప్రింట్ స్కానర్, 240 హెర్ట్జ్ టచ్ శాంప్లింగ్ రేట్, 2160 పీడబ్ల్యూఎమ్ డిమ్మింగ్, 950 నిట్స్ బ్రైట్నెస్ ఉన్నాయి.
ప్రాసెసర్: Realme 12 Pro+ 5G లో క్వాల్కమ్ స్నాప్‌డ్రాగన్ 7ఎస్ జెన్ 2 చిప్సెట్, అడ్రెనో 710 జీపీయూ ఉన్నాయి.
ర్యామ్, స్టోరేజీ: Realme 12 Pro+ 5G డివైజ్ 8జిబి/12జిబి ర్యామ్, 12జిబి డైనమిక్ ర్యామ్, 128జిబి/256జిబి స్టోరేజీ ఆప్షన్స్ లో లభిస్తుంది.
కెమెరా: Realme 12 Pro+ 5G లో ట్రిపుల్ రియర్ కెమెరా సెటప్ ఉంది. ఇందులో 50ఎంపి ఓఐఎస్ మెయిన్ కెమెరా, 64ఎంపి పెరిస్కోప్ లెన్స్, 8ఎంపి అల్ట్రావైడ్ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 32ఎంపి సోని ఐఎంఎక్స్615 ఫ్రంట్ కెమెరా ఇచ్చారు.
బ్యాటరీ: Realme 12 Pro+ 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఇచ్చారు. ఇది 67 వాట్ సూపర్‌వూక్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: Realme 12 Pro+ 5G లో డ్యూయల్ సిమ్, 5జీ, 4జీ, బ్లూటూత్, వై-ఫై, జీపీఎస్ వంటి ఆప్షన్స్ ఉన్నాయి.
