ప్రముఖ స్మార్ట్‌ఫోన్ బ్రాండ్ POCO త్వరలో ఎమ్-సిరీస్ లో కొత్త ఫోన్‌ని లాంచ్ చేయనుంది. POCO M6 Plus 5G పేరుతో ఈ డివైజ్ భారతీయ మార్కెట్ లోకి ఎంట్రీ ఇవ్వనుంది. తాజాగా ఈ ఫోన్ యొక్క ధర లీక్ అయ్యింది. రిలయన్స్ డిజిటల్ ఆన్‌లైన్ ప్లాట్ఫామ్ ద్వారా POCO M6 Plus 5G ధర లీక్ అయ్యింది. ఓసారి ఆ వివరాలు తెలుసుకుందాం.
POCO M6 Plus 5G ధర (లీక్)
POCO M6 Plus 5G యొక్క ధర లాంచ్‌కి ముందు రిలయన్స్ డిజిటల్ ఆన్‌లైన్ ప్లాట్ఫామ్ ద్వారా లీక్ అయ్యింది. లీక్ ప్రకారం, ఈ ఫోన్ ధర రూ.14,999 గా ఉంటుందని తెలుస్తోంది. ఇది 8జిబి ర్యామ్ + 128జిబి స్టోరేజీ మోడల్ ధర. అలాగే ఈ లీక్ ద్వారా కలర్ ఆప్షన్స్ కూడా రివీల్ అయ్యాయి. లావెండర్, సిల్వర్ మరియు బ్లాక్ కలర్ ఆప్షన్స్ లో POCO M6 Plus 5G లభిస్తుంది.
POCO M6 Plus 5G స్పెసిఫికేషన్స్
స్క్రీన్: POCO M6 Plus 5G లో 6.79-ఇంచ్ డిస్ప్లే, ఎల్సీడీ ప్యానెల్, 120 హెర్ట్జ్ రిఫ్రెష్ రేట్ ఉంటాయి.
ప్రాసెసర్: POCO M6 Plus 5G లో క్వాల్కమ్ స్నాప్‌డ్రాగన్ 4 జెన్ 2 చిప్సెట్ ఉంటుంది. ఇది ఆక్టా-కోర్ చిప్.
సాఫ్ట్‌వేర్: POCO M6 Plus 5G స్మార్ట్‌ఫోన్ ఆండ్రాయిడ్ 14 ఓఎస్ ఆధారిత హైపర్ఓఎస్ కస్టమ్ స్కిన్ పై పని చేస్తుంది.
కెమెరా: POCO M6 Plus 5G లో డ్యూయల్ రియర్ కెమెరా సెటప్ ఉంటుంది. ఇందులో 108ఎంపి ప్రైమరీ కెమెరా, 2ఎంపి సెకండరీ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 13ఎంపి ఫ్రంట్ కెమెరా ఉంటుంది.
బ్యాటరీ: POCO M6 Plus 5G లో పవర్ బ్యాకప్ కోసం 5030 ఎంఏహెచ్ బ్యాటరీ ఉంటుంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
ఇతర ఫీచర్లు: POCO M6 Plus 5G లో డ్యూయల్ సిమ్, 5జీ, 4జీ, బ్లూటూత్, వై-ఫై, ఐపీ53 రేటింగ్, 3.5ఎంఎం ఆడియో జాక్, సైడ్ మౌంటెడ్ ఫింగర్‌ప్రింట్ స్కానర్ ఉన్నాయి.
