ప్రముఖ స్మార్ట్‌ఫోన్ బ్రాండ్ OPPO ఇటీవలె Reno 11F ని లాంచ్ చేసింది. ఇప్పుడు Reno 12 సిరీస్ ని లాంచ్ చేసేందుకు సిద్ధమవుతోంది. కొన్ని రోజులుగా OPPO Reno 12 సిరీస్ కి సంబంధించిన లీక్స్ నెట్టింట్లో చక్కర్లు కొడుతున్నాయి. తాజాగా టిప్‌స్టర్ స్మార్ట్ పికాచు OPPO Reno 12 సిరీస్ యొక్క కెమెరా స్పెసిఫికేషన్స్ షేర్ చేశారు. ఓసారి ఆ వివరాలు తెలుసుకుందాం పదండి.
OPPO Reno 12 సిరీస్ కెమెరా వివరాలు
- టిప్‌స్టర్ స్మార్ట్ పికాచు ప్రకారం, OPPO Reno 12 సిరీస్ సోని కెమెరా లెన్స్ తో వస్తోందని తెలుస్తోంది.
- అయితే, ఇంకా కెమెరా వివరాలు రివీల్ కాలేదు. OPPO Reno 12 సిరీస్ ఉత్తమమైన పెరిస్కోప్ కెమెరా, ఆప్టికల్ జూమ్ తో వస్తోంది.
OPPO Reno 12 సిరీస్ లాంచ్ టైమ్‌లైన్
- MSPowerUser వెబ్‌సైట్ ప్రకారం, OPPO Reno 12 సిరీస్ 2024 జూన్ లో లాంచ్ అవుతుందని అంచనా వేస్తున్నారు.
- OPPO Reno 12 బేస్ మోడల్ ధర 499 డాలర్లు (సుమారు రూ.41,300) గా ఉండే అవకాశం ఉంది.
- OPPO Reno 12 Pro మోడల్ ధర 799 డాలర్లు (సుమారు రూ.66,200) గా ఉంటుందని అంచనా వేస్తున్నారు.
OPPO Reno 12 సిరీస్ స్పెసిఫికేషన్స్ (లీక్)
- డిస్ప్లే: OPPO Reno 12 సిరీస్ ఫోన్లలో 6.7-ఇంచ్ ఓఎల్ఈడీ ప్యానెల్, 120 హెర్ట్జ్ రిఫ్రెష్ రేట్, కర్వ్డ్ గ్లాస్ బ్యాక్ ఉంటాయి.
- ప్రాసెసర్: OPPO Reno 12 మీడియాటెక్ ఎంటీకే 24ఎమ్ చిప్సెట్ తో రానుంది. ప్రో వేరియంట్ మీడియాటెక్ డైమెన్సిటీ 9200 ప్రాసెసర్ తో వస్తోంది.
- కెమెరా: OPPO Reno 12 మరియు OPPO Reno 12 Pro డివైజెస్ 50ఎంపి ప్రైమరీ ఓఐఎస్ కెమెరా, 50ఎంపి సెకండరీ 2ఎక్స్ ఆప్టికల్ జూమ్, 8ఎంపి అల్ట్రావైడ్ లెన్స్ ఉంటాయి.
- ర్యామ్, స్టోరేజీ: OPPO Reno 12 డివైజ్ 12జిబి ర్యామ్ + 256జిబి స్టోరేజీ వేరియంట్ లో రానుంది. ప్రో మోడల్ 512జిబి స్టోరేజీతో వచ్చే అవకాశం ఉంది.
- బ్యాటరీ: OPPO Reno 12 మరియు OPPO Reno 12 Pro డివైజెస్ లో 5000 ఎంఏహెచ్ బ్యాటరీ, 67 వాట్ ఫాస్ట్ చార్జింగ్ సపోర్ట్ ఉంటాయి.
- ఇతర ఫీచర్లు: OPPO Reno 12 సిరీస్ ఐపీ65 రేటింగ్ తో రానుందని అంచనా వేస్తున్నారు.
