![](https://static.hub.91mobiles.com/multisite/wp-content/uploads/sites/3/2024/06/OPPO-A3-Pro-5G-India.jpg?tr=w-696,q-100)
ప్రముఖ స్మార్ట్ఫోన్ బ్రాండ్ OPPO భారత్ లో ఏ-సిరీస్ లో కొత్త ఫోన్ లాంచ్ చేసింది. OPPO A3 Pro 5G పేరుతో ఈ డివైజ్ మార్కెట్ లోకి వచ్చింది. అయితే చైనాలో లాంచైన OPPO A3 Pro పోల్చితే ఇండియన్ వేరియంట్ విభిన్నంగా ఉంది. ఈ ఫోన్ మీడియాటెక్ డైమెన్సిటీ చిప్సెట్ తో వచ్చింది. ఇంకా ఈ ఫోన్ లో 120 హెర్ట్జ్ రిఫ్రెష్ రేట్, 5100 ఎంఏహెచ్ బ్యాటరీ, 50ఎంపి కెమెరా వంటి స్పెసిఫికేషన్స్ ఉన్నాయి. ఓసారి ఈ ఫోన్ ధర, లభ్యత మరియు పూర్తి స్పెసిఫికేషన్స్ తెలుసుకుందాం.
OPPO A3 Pro 5G ధర, లభ్యత
OPPO A3 Pro స్మార్ట్ఫోన్ రెండు మెమొరీ వేరియంట్స్ లో లాంచ్ అయ్యింది. వీటి ధరలు ఎలా ఉన్నాయో తెలుసుకుందాం. 8జిబి ర్యామ్ + 128జిబి స్టోరేజీ మోడల్ ధరను రూ.17,999 గా నిర్ణయించారు. 8జిబి ర్యామ్ + 256జిబి స్టోరేజీ వేరియంట్ ధరను రూ.19,999 గా పెట్టారు. ఈ ఫోన్లను ఒప్పో స్టోర్ తో పాటు, అమెజాన్, ఫ్లిప్కార్ట్ మరియు ప్రముఖ రిటైల్ ఔట్లెట్స్ లో కొనుగోలు చేయవచ్చు.
OPPO A3 Pro 5G స్పెసిఫికేషన్స్
డిస్ప్లే: OPPO A3 Pro లో 6.67-ఇంచ్ ఫుల్ హెచ్డీ+ స్క్రీన్, ఎల్సీడీ ప్యానెల్, పంచ్ హోట్ కటౌట్, 120 హెర్ట్జ్ రిఫ్రెష్ రేట్, 180 హెర్ట్జ్ టచ్ శాంప్లింగ్ రేట్, 1000 నిట్స్ బ్రైట్నెస్ ఉన్నాయి.
ప్రాసెసర్: OPPO A3 Pro డివైజ్ లో మీడియాటెక్ డైమెన్సిటీ 6300 ఆక్టాకోర్ చిప్ వాడారు. ఇది 6 నానోమీటర్ ఫ్యాబ్రికేషన్ పై తయారైంది. ఈ చిప్ యొక్క హయ్యస్ట్ క్లాక్ స్పీడ్ 2.4 గిగాహెర్ట్జ్.
మెమొరీ: OPPO A3 Pro డివైజ్ 8జిబి ర్యామ్, 128జిబి/256జిబి స్టోరేజీ వేరియంట్స్ లో లభిస్తుంది. ఈ ఫోన్ లో 8జిబి వర్చువల్ ర్యామ్ ఫీచర్ అందించారు. దీంతో యూజర్కి గరిష్టంగా 16జిబి వరకు ర్యామ్ పవర్ లభిస్తుంది.
కెమెరా: OPPO A3 Pro లో డ్యూయల్ రియర్ కెమెరా సెటప్ ఉంది. ఇందులో 50ఎంపి ప్రైమరీ కెమెరా, సెకండరీ ఏఐ లెన్స్, ఎల్ఈడీ ఫ్లాష్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా అందించారు.
బ్యాటరీ: OPPO A3 Pro లో పవర్ బ్యాకప్ కోసం 5100 ఎంఏహెచ్ బ్యాటరీ ఇచ్చారు. ఇది 45 వాట్ సూపర్వూక్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: OPPO A3 Pro లో డ్యూయల్ సిమ్, 5జీ, 4జీ, బ్లూటూత్, వై-ఫై, జీపీఎస్ వంటి ఆప్షన్స్ ఉన్నాయి.