ప్రముఖ స్మార్ట్ఫోన్ బ్రాండ్ OnePlus సమ్మర్ లాంచ్ ఈవెంట్ను నిర్వహించబోతోంది. జులై 16న ఈవెంట్ జరగనుంది. ఈవెంట్ లో అందరూ చాలా రోజులుగా ఎదురు చూస్తోన్న OnePlus Nord 4 డివైజ్ ను వన్ప్లస్ లాంచ్ చేయనుంది. OnePlus Nord 4 యొక్క లాంచ్ వివరాలు, అంచనా స్పెసిఫికేషన్స్ మరియు ఈవెంట్ విశేషాలను తెలుసుకుందాం.
OnePlus సమ్మర్ లాంచ్ ఈవెంట్
OnePlus తన సమ్మర్ లాంచ్ ఈవెంట్ను జులై 16వ తేదీన నిర్వహించనుంది. ఈ గ్లోబల్ ఈవెంట్ ఇటలీ లోని మిలన్ నగరంలో జరుగుతుంది. ఇదే ఈవెంట్ నుంచి వన్ప్లస్ సంస్థ OnePlus Nord 4 డివైజ్ను ఇండియన్ మార్కెట్ లో లాంచ్ చేయనుంది. జులై 16న సాయంత్రం 6.30 గంటల నుంచి ఈవెంట్ ను వన్ప్లస్ సోషల్ మీడియా ప్లాట్ఫామ్స్, కంపెనీ వెబ్సైట్ ద్వారా చూడవచ్చు.
Metal welded with Mettle. #NeverSettle pic.twitter.com/RphVccO4Bp
— OnePlus India (@OnePlus_IN) July 3, 2024
OnePlus Nord 4 ధర
OnePlus Nord 4 డివైజ్ ప్రారంభ ధర రూ.31,999 ఉంటుందని లీక్ ద్వారా తెలుస్తోంది. టాప్ మోడల్ ధర రూ.35,999 వరకు ఉండవచ్చని సమాచారం. ధరపై త్వరలోనే స్పష్టత రానుంది.
OnePlus Nord 4 స్పెసిఫికేషన్స్
డిస్ప్లే: OnePlus Nord 4 లో 6.74-ఇంచ్ 1.5కే ఓఎల్ఈడీ స్క్రీన్, 120 హెర్ట్జ్ రిఫ్రెష్ రేట్, 2150 నిట్స్ బ్రైట్నెస్, ఇన్-డిస్ప్లే ఫింగర్ప్రింట్ స్కానర్ ఉంటాయి.
ప్రాసెసర్: OnePlus Nord 4 లో క్వాల్కమ్ స్నాప్డ్రాగన్ 7+ జెన్ 3 చిప్సెట్ ఉంటుంది. 4 నానోమీటర్ ఫ్యాబ్రికేషన్ పై తయారైన ఈ చిప్ యొక్క హయ్యస్ట్ క్లాక్ స్పీడ్ 2.8 గిగాహెర్ట్జ్.
మెమొరీ: OnePlus Nord 4 డివైజ్ 8జిబి/12జిబి ర్యామ్, 128జిబి/256జిబి/512జిబి స్టోరేజీ వేరియంట్స్ లో లభిస్తుంది.
కెమెరా: OnePlus Nord 4 లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి సోని ఎల్వైటీ 600 ఓఐఎస్ మెయిన్ కెమెరా, 8ఎంపి సోని ఐఎంఎక్స్355 అల్ట్రావైడ్ లెన్స్ ఉంటాయి. సెల్ఫీస్, వీడియో కాల్స్ కోసం 16ఎంపి శాంసంగ్ S5K3P9 సెన్సర్ ఉంటుంది.
బ్యాటరీ: OnePlus Nord 4 లో పవర్ బ్యాకప్ కోసం 5500 ఎంఏహెచ్ బ్యాటరీ ఉంటుంది. ఈ ఫోన్ 100 వాట్ ఫాస్ట్ చార్జింగ్ టెక్నాలజీతో వస్తోంది.
కనెక్టివిటీ: OnePlus Nord 4 లో డ్యూయల్ సిమ్, 5జీ, 4జీ, బ్లూటూత్, వై-ఫై వంటి ఆప్షన్స్ ఉంటాయి.