ప్రముఖ స్మార్ట్‌ఫోన్ బ్రాండ్ OnePlus నేడు చైనాలో Ace 3V డివైజ్‌ని లాంచ్ చేసింది. స్నాప్‌డ్రాగన్ 7+ జెన్ 3 చిప్సెట్ తో వచ్చిన మొదటి ఫోన్ OnePlus Ace 3V కావడం విశేషం. ఈ ఫోన్ లో 16జిబి ర్యామ్, 512జిబి వరకు స్టోరేజీ, ఓఎల్ఈడీ డిస్ప్లే, 50ఎంపి డ్యూయల్ రియర్ కెమెరా సెటప్, 100 వాట్ ఫాస్ట్ చార్జింగ్ సపోర్ట్ వంటి ఫీచర్లు ఉన్నాయి. ఓసారి OnePlus Ace 3V ధర, పూర్తి స్పెసిఫికేషన్స్ ఎలా ఉన్నాయో తెలుసుకుందాం పదండి.
OnePlus Ace 3V ధర
OnePlus Ace 3V స్మార్ట్‌ఫోన్ చైనాలో 3 మెమొరీ వేరియంట్స్ లో లాంచ్ అయ్యింది. వీటి ధరలు ఎలా ఉన్నాయో తెలుసుకుందాం.
OnePlus Ace 3V 12జిబి ర్యామ్ + 256జిబి స్టోరేజీ మోడల్ ధర CNY 1,999 యువాన్లు (సుమారు రూ.23,399) గా ఉంది.
OnePlus Ace 3V 12జిబి ర్యామ్ + 512జిబి స్టోరేజీ వేరియంట్ ధర CNY 2,299 (సుమారు రూ.26,914) గా ఉంది.
OnePlus Ace 3V 16జిబి ర్యామ్ + 512జిబి స్టోరేజీ మోడల్ ధర CNY 2,599 (సుమారు రూ.30,000) గా ఉంది.
OnePlus Ace 3V స్పెసిఫికేషన్స్
- స్క్రీన్: OnePlus Ace 3V లో 6.74-ఇంచ్ ఓఎల్ఈడీ డిస్ప్లే, 1.5కే రెజుల్యూషన్, 2160 హెర్ట్జ్ పీడబ్ల్యూఎమ్ డిమ్మింగ్, 120 హెర్ట్జ్ రిఫ్రెష్ రేట్, రెయిన్ టచ్ టెక్నాలజీ, 2,150 నిట్స్ పీక్ బ్రైట్నెస్ ఉన్నాయి.
- ప్రాసెసర్: OnePlus Ace 3V లో క్వాల్కమ్ స్నాప్‌డ్రాగన్ 7+ జెన్ 3 చిప్సెట్ వాడారు. ఇది 4 నానోమీటర్ ఫ్యాబ్రికేషన్ పై తయారైంది. ఏరోస్పేస్-గ్రేడ్ వీసీ కూలింగ్ సిస్టమ్ ని ఈ ఫోన్ లో అందించారు.
- ర్యామ్, స్టోరేజీ: OnePlus Ace 3V 16జిబి వరకు ఎల్పీడీడీఆర్5ఎక్స్ ర్యామ్ + 512జిబి వరకు యూఎఫ్ఎస్ 4.0 స్టోరేజీ ఆప్షన్స్ లో లభిస్తుంది.
- కెమెరా: OnePlus Ace 3V లో డ్యూయల్ రియర్ కెమెరా సెటప్ ఉంది. ఇందులో 50ఎంపి సోని ఐఎంఎక్స్882 ఓఐఎస్ ప్రైమరీ కెమెరా, 8ఎంపి అల్ట్రావైడ్ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
- బ్యాటరీ: OnePlus Ace 3V లో పవర్ బ్యాకప్ కోసం 5,500 ఎంఏహెచ్ బ్యాటరీ ఇచ్చారు. ఇది 100 వాట్ సూపర్‌వూక్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: OnePlus Ace 3V డివైజ్ ఆండ్రాయిడ్ 14 ఓఎస్ ఆధారిత కలర్ఓఎస్ 14 కస్టమ్ స్కిన్ పై పని చేస్తుంది.
- ఇతర ఫీచర్లు: OnePlus Ace 3V లో డ్యూయల్ సిమ్, 5జీ, వై-ఫై, బ్లూటూత్, ఎన్ఎఫ్‌సీ, ఐఆర్ బ్లాస్టర్, ఐపీ65 రేటింగ్, డ్యూయల్ గేమింగ్ యాంటెన్నా, ఫింగర్‌ప్రింట్ స్కానర్ ఉన్నాయి.
