ప్రముఖ స్మార్ట్‌ఫోన్ బ్రాండ్ OnePlus నేడు చైనాలో ఏస్ సిరీస్ లో కొత్త ఫోన్ లాంచ్ చేసింది. OnePlus Ace 3 Pro పేరుతో ఈ డివైజ్ మార్కెట్ లో అడుగుపెట్టింది. ఈ ఫోన్ లో 6.78-ఇంచ్ 8టీ ఎల్టీపీవో అమోలెడ్ డిస్ప్లే, 24జిబి ర్యామ్, 1టిబి స్టోరేజీ, 100 వాట్ సూపర్‌వూక్ ఫాస్ట్ చార్జింగ్ వంటి ఫీచర్స్ ఉన్నాయి. ఓసారి ఈ డివైజ్ యొక్క పూర్తి స్పెసిఫికేషన్స్, ధర మరియు లభ్యత వివరాలు తెలుసుకుందాం.
OnePlus Ace 3 Pro ధర, లభ్యత
OnePlus Ace 3 Pro స్మార్ట్‌ఫోన్ చైనాలో 6 వేరియంట్లలో లాంచ్ అయ్యింది. వీటి ధరలు తెలుసుకుందాం.
12జిబి ర్యామ్ + 256జిబి స్టోరేజీ వేరియంట్ ధర 3199 యువాన్లు (సుమారు రూ.36,700)
16జిబి + 256జిబి మోడల్ ధర 3499 యువాన్లు (సుమారు రూ.40,100)
16జిబి + 512జిబి వేరియంట్ ధర 3799 యువాన్లు (సుమారు రూ.43,600)
24జిబి + 1టిబి వేరియంట్ ధర 4399 యువాన్లు (సుమారు రూ.50,500)
16జిబి + 512జిబి సిరామిక్ వేరియంట్ ధర 3999 యువాన్లు (సుమారు రూ.45,900)
24జిబి ర్యామ్ + 1టిబి స్టోరేజీ సిరామిక్ మోడల్ ధర 4699 యువాన్లు (సుమారు రూ.53,900)
OnePlus Ace 3 Pro స్పెసిఫికేషన్స్
డిస్ప్లే: OnePlus Ace 3 Pro లో 6.78-ఇంచ్ 8టీ ఎల్టీపీవో అమోలెడ్ స్క్రీన్, 2780*1264 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, 4500 నిట్స్ పీక్ బ్రైట్నెస్, 100% డీసీఐ-పీ3 కలర్ గ్యామట్, 2160 హెర్ట్జ్ హై-ఫ్రీక్వెన్సీ పీడబ్ల్యూఎమ్ డిమ్మింగ్, 360 హెర్ట్జ్ టచ్ శాంప్లింగ్ రేట్, 2160 హెర్ట్జ్ ఇన్‌స్టంట్ టచ్ శాంప్లింగ్ రేట్, డాల్బీ విజన్, కార్నింగ్ గొరిల్లా గ్లాస్ విక్టస్ 2 ఉన్నాయి.
చిప్సెట్: OnePlus Ace 3 Pro లో క్వాల్కమ్ స్నాప్‌డ్రాగన్ 8 జెన్ 3 చిప్సెట్ ఉంది. ఇది 4 నానోమీటర్ ఫ్యాబ్రికేషన్ పై తయారైంది. గ్రాఫిక్స్ కోసం 750 జీపీయూ వినియోగించారు.
మెమొరీ: OnePlus Ace 3 Pro డివైజ్ 12జిబి/16జిబి/24జిబి ఎల్పీడీడీఆర్5ఎక్స్ ర్యామ్, 256జిబి/512జిబి/1టిబి యూఎఫ్ఎస్ 4.0 స్టోరేజీ ఆప్షన్స్ లో లభిస్తుంది.
కెమెరా: OnePlus Ace 3 Pro లో ట్రిపుల్ రియర్ కెమెరా సెటప్ ఉంది. ఇందులో 50ఎంపి సోని ఐఎంఎక్స్890 ఓఐఎస్ ప్రైమరీ కెమెరా, 8ఎంపి సోని ఐఎంఎక్స్355 అల్ట్రావైడ్ లెన్స్, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా ఉంది.
బ్యాటరీ: OnePlus Ace 3 Pro లో పవర్ బ్యాకప్ కోసం 6100 ఎంఏహెచ్ బ్యాటరీ ఉంది. ఇది 100 వాట్ సూపర్‌వూక్ ఫాస్ట్ చార్జింగ్ కి సపోర్ట్ చేస్తుంది.
సాఫ్ట్‌వేర్: OnePlus Ace 3 Pro డివైజ్ ఆండ్రాయిడ్ 14 ఓఎస్ ఆధారిత కలర్ఓఎస్ 14.1 కస్టమ్ స్కిన్ పై పని చేస్తుంది.
కనెక్టివిటీ: OnePlus Ace 3 Pro లో డ్యూయల్ సిమ్, 5జీ, 4జీ, బ్లూటూత్ 5.4, వై-ఫై 7, యూఎస్బీ టైప్-సీ వంటి ఆప్షన్స్ ఉన్నాయి.
ఇతర ఫీచర్లు: OnePlus Ace 3 Pro లో ఐపీ65 వాటర్ అండ్ డస్ట్ రెసిస్టన్స్ రేటింగ్, ఇన్-డిస్ప్లే ఫింగర్‌ప్రింట్ స్కానర్ ఉన్నాయి.
