பழைய மாடலின் புதிய பதிப்பாக வெளியாக இருக்கிறது vivo T2. கீக்பெஞ்ச் 5 தரவுத்தளத்தில் V2240 என்ற மாடல் எண்ணைக் கொண்ட மொபைல் வெளிவந்துள்ளது. இதனையடுத்து இந்த Vivo T2 மொபைல், ஏப்ரல் 11 (செவ்வாய்க்கிழமை) அன்று இந்தியாவில் வெளியிடப்படும் என்பது உறுதியாகிறது.
சில நாட்களுக்கு முன்னர் சீனாவில் வெளியிடப்பட்ட மொபைலில் இருந்து இந்த Vivo T2 வேறுபடுகிறது. இது “ஹோலி” என்ற சிப்செட் குறியீட்டைப் பயன்படுத்தி வெளியாகும் குறைந்த ஆற்றல் கொண்ட சிப்செட் ஆகும். குவால்காம், ஸ்னாப்டிராகன் 695 மற்றும் ஸ்னாப்டிராகன் 480 இரண்டு சிப்செட்டிலும் இதைப் பயன்படுத்துவதாகத் தெரிகிறது.
சிப்செட்
ஆனால், குறிப்பிட்டு சொல்லவேண்டும் என்றால் இந்த இரண்டு சிப்புமே அவ்வளவு சக்திவாய்ந்தது இல்லை. ஆனால் 695 ஆனது A76 க்குப் பதிலாக புதிய A78 கோர்களைப் பயன்படுத்துகிறது. சிங்கிள் கோர் ஸ்கோர் மூலம் ஆராயும்போது, இது ஸ்னாப்டிராகன் 695 ஆகும் – இந்த சிப் உள்ள போன்கள் பொதுவாக கீக்பெஞ்ச் 5 இல் 600-700 புள்ளிகளைப் பெறுகின்றன. 480 சிப்செட்டில் உள்ள பழைய பெரிய CPU பொதுவாக 500-600 வரம்பில் இருக்கும். ஏற்கனவே சொன்னதுபோல், எந்த சிப்பும் வேகமானது அல்ல. இது தவிர, இந்த குறிப்பிட்ட மொபைலில் 6ஜிபி ரேம் பொருத்தப்பட்டிருந்தது. இது மட்டுமில்லாது வேறு வேரியண்டும் இருக்கலாம்.
டிஸ்ப்ளே
இந்த போன் ஆண்ட்ராய்டு 13 OS இல் இயங்கும். கூறியது போல், தொலைபேசி 5G நெட்வொர்க் ஆதரவுடன் வரும். Vivo T2 மற்றும் T2x இரண்டும் FHD+ AMOLED டிஸ்ப்ளே, 1,300 nits பீக் பிரைட்னஸ் மற்றும் 360Hz டச் சாம்லிங் ரேட் கூடவே அதிக புதுப்பிப்பு வீதம் (மறைமுகமாக 120Hz ஆனால் சரியான எண் பட்டியலிடப்படவில்லை) கொண்டு இருக்கும் என்று Flipkart வெளிப்படுத்தியுள்ளது. மேலும் பல விவரங்கள் ஏப்ரல் 7, 9 மற்றும் 11 தேதிகளில் வெளியிடப்படும்.
கேமரா
Vivo T2 போனின் பின்புறத்தில் இரண்டு கேமரா சென்சார்கள் மற்றும் LED ஃபிளாஷ் கொண்ட இரட்டை வட்ட மாட்யூல்களுடன் வரும். Vivo T2 மொபைல் ப்ளூ மற்றும் கோல்ட் வண்ண விருப்பங்களில் வெளியாகும். அவை சற்று வட்டமான மூலைகளுடன் ஒரு பெட்டி வடிவமைப்பைக் கொண்டுள்ளன.
வெளியீடு & விற்பனை
Vivo T2 மொபைல் இந்தியாவில் ஏப்ரல் 11 ஆம் தேதி மதியம் 12 மணிக்கு அறிமுகம் செய்யப்பட உள்ளது. இந்த போன் Flipkart, Vivo தளங்கள் மற்றும் ஆஃப்லைன் சில்லறை விற்பனை நிலையங்கள் வழியாக கிடைக்கும்.
