Samsung ने काही दिवसांपूर्वीच अंर्तराष्ट्रीय मंचा वर आपली ‘गॅलेक्सी ए’ सीरीज वाढवत नवीन डिवाईस Galaxy A10s सादर केला होता. हा स्मार्टफोन Galaxy A10 चा दुसरा वर्जन आहे जो डुअल कॅमेरा व पावरफुल बॅटरी सह येतो. आज आपल्या इंडियन फॅन्सना खुश करत Samsung ने Galaxy A10s भारतात पण लॉन्च केला आहे. कंपनीने या स्मार्टफोनची बेस किंमत 9,499 रुपये ठेवली आहे जो उद्यापासूनच ऑनलाईन व ऑफलाईन दोन्ही प्लॅटफॉर्म वर सेल साठी उपलब्ध होईल.
डिजाईन
Samsung Galaxy A10s कंपनीने इनफिनिटी वी डिस्प्ले वर सादर केला आहे. फोन मध्ये बेजल लेस डिस्प्ले देण्यात आला आहे ज्याच्यावर ‘वी’ शेप नॉच आहे. तसेच डिस्प्लेच्या खालच्या बाजूला मोठा चिन पार्ट आहे. Galaxy A10s च्या बॅक पॅनल वर डुअल रियर कॅमेरा सेटअप देण्यात आला आहे जो डावीकडे वर्टिकल शेप मध्ये आहे. या कॅमेरा सेटअपच्या खाली फ्लॅश लाईट आहे. Samsung Galaxy A10s च्या रियर पॅनल वर फिंगरप्रिंट सेंसर आहे. पावर बटण फोनच्या उजव्या पॅनल वर देण्यात आला आहे आणि डाव्या पॅनल वर वाल्यूम रॉकर आहे. त्याचप्रमाणे फोनच्या खालच्या पॅनल वर 3.5एमएम जॅक सह यूएसबी पोर्ट देण्यात आला आहे.
स्पेसिफिकेशन्स
Samsung Galaxy A10s मध्ये 6.2-इंचाचा एचडी+ टीएफटी इफिनिटी-वी डिस्प्ले देण्यात आला आहे. त्याचबरोबर यात 2.0 गीगाहर्ट्ज ऑक्टा-कोर प्रोसेसर आहे. भारतात हा फोन दोन रॅम वेरिएंट मध्ये लॉन्च आहे ज्यात 2जीबी रॅम व 3जीबी रॅम देण्यात आला आहे. दोन्ही वेरिएंट 32जीबी इंटरनल स्टोरेजला सपोर्ट करतात, जी माइक्रोएसडी कार्डने 512जीबी पर्यंत वाढवता येते. तसेच फोन एंडरॉयड 9 पाई वर चालतो.
फोटोग्राफी साठी सॅमसंग गॅलेक्सी ए10एस मध्ये 13एमपी प्राइमरी कॅमेरा f/1.8 अपर्चर सह देण्यात आला आहे, सोबत 2एमपी डेप्थ सेंसर आहे. वीडियो कॉलिंग आणि सेल्फी साठी फोन मध्ये 8एमपी चा कॅमेरा आहे. कनेक्टिविटी ऑप्शन साठी फोन मध्ये 4जी एलटीई, डुएल-सिल स्लॉट, वाई-फाई, ब्लूटूथ आणि जीपीएस आहे. त्याचबरोबर फोन मध्ये 4,000mAh ची बॅटरी देण्यात आली आहे. तसेच फोन ब्लू, ग्रीन आणि ब्लॅक कलर ऑप्शन मध्ये विकत घेता येईल.
किंमत
Samsung Galaxy A10s चा 2जीबी रॅम + 32जीबी मेमरी वेरिएंट भारतात 9,499 रुपयांमध्ये विकत घेता येईल. तसेच फोनच्या 3जीबी रॅम + 32जीबी मेमरी वेरिएंटची किंमत 10,499 रुपये ठेवण्यात आली आहे.
