अलीकडेच वनप्लसनं आपला नवा फ्लॅगशिप स्मार्टफोन OnePlus 11 चीनमध्ये सादर केला आहे. जो 7 फेब्रुवारीला भारतात येईल. स्वस्तात फ्लॅगशिप स्पेक्स देऊन ‘फ्लॅगशिप किलर’ चा खिताब मिळवणारी कंपनी गेली काही वर्ष महागडे स्मार्टफोन सादर करत आहे. परंतु यंदा मात्र पुन्हा कमी किंमतीत दमदार फ्लॅगशिप वनप्लसकडून सादर केला जाऊ शकतो. आगामी OnePlus 11 ची किंमत लीक झाली आहे. या 5जी फोन सोबतच OnePlus Buds Pro 2 TWS आणि OnePlus Keyboard च्या किंमतीचा खुलासा देखील झाला आहे.
OnePlus 11 ची लीक किंमत
टेक वेबसाइट प्राइसबाबानं वनप्लस 11 5जी फोनची किंमत लीक केली आहे. रिपोर्टनुसार हा स्मार्टफोन तीन मेमरी व्हेरिएंट्समध्ये मार्केटमध्ये लाँच होऊ शकतो. बेस मॉडेलमध्ये 12जीबी रॅमसह 256जीबी इंटरनल स्टोरज दिली जाईल ज्याची किंमत 54,999 रुपये असू शकते. लीकनुसार OnePlus 11 चे इतर दोन्ही व्हेरिएंट 16जीबी रॅमसह येऊ शकतील. ज्यातील 256जीबी स्टोरेज मॉडेल 59,999 रुपये तर 512जीबी मेमरी व्हेरिएंट 66,999 रुपयांमध्ये लाँच केला जाऊ शकतो.
प्राइसबाबा च्या रिपोर्टनुसार वनप्लस बड्स प्रो 2 TWS ची किंमत 11,999 रुपये असू शकते. तसेच वनप्लस कीबोर्डची किंमत देखील रिपोर्टमध्ये शेयर करण्यात आली आहे. वेबसाइट नुसार OnePlus keyboard 9,999 रुपयांमध्ये भारतात लाँच होऊ शकतो. कंपनी पहिल्यांदाच असा एखादा प्रोडक्ट लाँच करू शकते.
चीनमधील OnePlus 11 चे स्पेसिफिकेशन्स
- 6.7 QHD+ 2K E5 AMOLED डिस्प्ले
- 50MP+48MP+32MP रियर कॅमेरा
- 16GB RAM + 512GB storage
- Snapdragon 8 Gen 2 प्रोसेसर
- 100W SuperVOOC फास्ट चार्जिंग
वनप्लस 11 5जी 3216 x 1440 पिक्सल रिजोल्यूशन असलेल्या 6.7 इंचाच्या क्यूएचडी+ 2के डिस्प्लेसह लाँच झाला आहे. ही स्क्रीन ई5 अ‍ॅमोलेड पॅनलवर बनली आहे जी 120हर्ट्ज रिफ्रेश रेट, इन-डिस्प्ले फिंगरप्रिंट सेन्सर आणि कोर्निंग गोरिल्ला ग्लासच्या सुरक्षेसह येते. OnePlus 11 5G फोन अँड्रॉइड 13 वर लाँच झाला आहे. फोनमध्ये क्वॉलकॉम स्नॅपड्रॅगन 8 जेन 2 प्रोसेसर देण्यात आला आहे.
फोटोग्राफीसाठी वनप्लस 11 5जी फोन ट्रिपल रियर कॅमेऱ्याला सपोर्ट करतो. फोनच्या बॅक पॅनलवर 50MP Sony IMX890 प्रायमरी सेन्सर देण्यात आला आहे जो 48MP Sony IMX581 अल्ट्रा वाइड अँगल लेन्स आणि 32MP Sony IMX709 2X पोर्टरेट लेन्ससह मिलकर चालतो. तसेच सेल्फी आणि व्हिडीओ कॉलिंगसाठी हा स्मार्टफोन 16 मेगापिक्सलच्या फ्रंट कॅमेऱ्याला सपोर्ट करतो.
पावर बॅकअपसाठी वनप्लस 11 5जी फोन 5,000एमएएच बॅटरीसह बाजारात आला आहे. या मोठ्या बॅटरीसह स्मार्टफोन पटकन चार्ज करण्यासाठी यात 100वॉट फास्ट चार्जिंग टेक्नॉलॉजी देण्यात आली आहे जी काही मिनिटांत बॅटरी फुल चार्ज करू शकते.
