चिनी कंपनी वनप्लसनं आपली आगामी फ्लॅगशिप OnePlus 11 Series टीज केली आहे. ही सीरिज कंपनीची आतापर्यंतची सर्वात शक्तिशाली स्मार्टफोन सीरिज असेल. वनप्लस 11 सीरीज लाँचपूर्वीच आता कंपनीनं आपल्या भारतीय चाहत्यांना डिस्काउंटची भेट दिली आहे. OnePlus 10 Pro वर आता 6000 रुपयांचा बँक डिस्काउंट आणि अन्य ऑफर्स दिल्या जात आहेत. पुढे आम्ही OnePlus 10 Pro 5G वरील ऑफर्सची माहिती दिली आहे.
OnePlus 10 Pro वरील ऑफर
66,999 रुपयांमध्ये लाँच झालेला वनप्लस 10 प्रो चा बेस व्हेरिएंट आता 61,999 रुपयांमध्ये अ‍ॅमेझॉनवर विकला जात आहे. या मॉडेलमध्ये 8 जीबी रॅम + 128 जीबी स्टोरेज मिळते. परंतु जर हा फोन तुम्ही आयसीआयसीआय बँकेच्या क्रेडिट कार्डनं खरेदी केला तर तुम्हाला 6000 रुपयांची थेट सूट मिळेल. तसेच आयसीआयसीआय बँकेच्या डेबिट कार्डवरील ईएमआय ट्रँजॅक्शनवर देखील एवढाच डिस्काउंट दिला जात आहे. हे देखील वाचा: 999 रुपयांमध्ये कुटुंबातील 4 माणसांचा रिचार्ज; अनलिमिटेड कॉलिंग व डेटा असलेला Airtel चा भन्नाट प्लॅन
तुम्ही तुमचा जुना वनप्लस किंवा आयओएस डिवाइस एक्सचेंज करून त्या फोनच्या एक्सचेंज व्हॅल्यूच्या वर 10 हजार रुपयांचा अतिरिक्त डिस्काउंट मिळवू शकता. सध्या OnePlus 10 Pro 8GB + 128GB मॉडेल 61,999 रुपयांमध्ये तर 12GB + 256GB व्हेरिएंट 66,999 रुपयांमध्ये सेलसाठी उपलब्ध झाला आहे. वनप्लस 10 प्रो Volcanic Black आणि Emerald Forest कलरमध्ये विकत घेता येईल.
OnePlus 10 Pro चे पावरफुल स्पेसिफिकेशन्स
वनप्लस 10 प्रो स्मार्टफोन 6.7 इंचाच्या 2के फ्ल्यूड अ‍ॅमोलेड एलटीपीओ 2.0 पंच-होल डिस्प्लेला सपोर्ट करतो जो 120हर्ट्ज रिफ्रेश रेट आणि 480हर्ट्ज टच सॅम्पलिंग रेटला सपोर्ट करती आहे. हा फोन इन -डिस्प्ले फिंगरप्रिंट सेन्सर टेक्नॉलॉजीसह येतो ज्याला कोर्निंग गोरिल्ला ग्लास विक्टसची सुरक्षा देण्यात आली आहे. फोन स्क्रीन एचडीआर10+ आणि एमईएमसी सारख्या फीचर्ससह येते.
OnePlus 10 Pro अँड्रॉइड 12 आधारित कलरओएस 12.1 वर चालतो. ऑक्टाकोर प्रोसेसरसह या स्मार्टफोनमध्ये क्वॉलकॉम स्नॅपड्रॅगन 8 जेन 1 चिपसेट देण्यात आला आहे. हा स्मार्टफोन 8 जीबी रॅम आणि 12 जीबीसह भारतात सेलसाठी उपलब्ध आहे ज्यात 128 जीबी तसेच 256 जीबी स्टोरेज देण्यात आली आहे. हा वनप्लस फोन LPDDR5 RAM आणि UFS 3.1 storage टेक्नॉलॉजी वर चालतो.
फोटोग्राफीसाठी OnePlus 10 Pro मध्ये ट्रिपल रियर कॅमेरा देण्यात आला आहे ज्यात 48 मेगापिक्सलचा प्रायमरी सेन्सर, 50 मेगापिक्सलची सेकंडरी लेन्स आणि 8 मेगापिक्सलचा थर्ड सेन्सर आहे. विशेष म्हणजे हा वनप्लस मोबाइल 2nd Gen hasselblad lens सह चालतो. सेल्फी आणि व्हिडीओ कॉलिंगसाठी वनप्लस 10 प्रो स्मार्टफोनमध्ये 32 मेगापिक्सलचा फ्रंट कॅमेरा देण्यात आला आहे. हे देखील वाचा: 67 हजारांच्या आत Revamp Buddie 25 इलेक्ट्रिक बाइक लाँच; लायसन्सविना येणार चालवता
OnePlus 10 Pro पावर बॅकअपसाठी 5,000एमएएच बॅटरीला सपोर्ट करतो. वेगानं चार्ज करण्यासाठी यात 80W SuperVOOC फास्ट चार्जिंग टेक्नॉलॉजी देण्यात आली आहे. तसेच वनप्लस 10 प्रो स्मार्टफोनमध्ये 50W AirVOOC wireless charging आणि रिवर्स चार्जिंग टेक्नॉलॉजी देखील देण्यात आली आहे.
