रियलमीनं आज भारतात आपला नवीन 5जी मोबाइल फोन लाँच केला आहे. नवीन रियलमी फोन Realme 9i 5G भारतात लाँच झाला आहे जो मिडबजेटमध्ये आला आहे. हा कंपनीचा सर्वात स्वस्त 5G स्मार्टफोन आहे. रियलमी 9आय 5जी फोनमध्ये 90Hz Display, 50MP Camera, MediaTek Dimensity 810 5G चिपसेट आणि 18W 5,000mAh Battery मिळते. इतके भारी स्पेसिफिकेशन्स असून देखील हा भारतातील सर्वात स्वस्त 5G Phone पैकी एक आहे.
Realme 9i 5G चे स्पेसिफिकेशन्स
रियलमी 9आय 5जी स्मार्टफोन 2408 x 1080 पिक्सल रिजोल्यूशन असलेल्या 6.6 इंचाच्या फुलएचडी+ डिस्प्लेसह लाँच झाला आहे. फोनची स्क्रीन साईज खूप मोठी आहे जी एलसीडी पॅनलवर बनली आहे. हा डिस्प्ले 90हर्ट्ज रिफ्रेश रेट व 180हर्ट्ज टच सॅम्पलिंग रेटला सपोर्ट करतो तसेच 400निट्स ब्राइटनेसला सपोर्ट करतो. यूनिबॉडी डिजाइनवर बनलेल्या या फोनची जाडी फक्त 8.1एमएम आहे.
Realme 9i 5G अँड्रॉइड 12 वर लाँच करण्यात आला आहे जो रियलमी युआय 3.0 सह मिळून चालतो. तसेच 2.4गीगाहर्ट्ज क्लॉक स्पीड असलेल्या ऑक्टाकोर प्रोेसेसरसह या स्मार्टफोनमध्ये 6नॅनोमीटर फॅब्रिकेशनवर बनलेला मीडियाटेकचा डिमेन्सिटी 810 5जी चिपसेट देण्यात आला आहे. ग्राफिक्ससाठी हा फोन माली-जी57 एमसी2 जीपीयूला सपोर्ट करतो.
फोटोग्राफीसाठी रियलमी 9आय 5जी फोनमध्ये ट्रिपल रियर कॅमेरा देण्यात आला आहे. फोनच्या बॅक पॅनलवर फ्लॅश लाईटसह एफ/1.8 अपर्चर असलेला 50 मेगापिक्सलचा प्रायमरी सेन्सर आहे. जोडीला रियर कॅमेरा सेटअपमध्ये 2 मेगापिक्सलची मॅक्रो लेन्स आणि 2 मेगापिक्सलचा डेप्थ सेन्सर मिळतो. फोनच्या फ्रंट पॅनलवर एफ/2.0 अपर्चर असलेला 8 मेगापिक्सलचा सेल्फी कॅमेरा मिळतो.
रियलमी 9आय 5जी एक ड्युअल सिम फोन आहे जो 4जी एलटीईवर देखील चालतो. 3.5एमएम जॅक व अन्य बेसिक कनेक्टिव्हिटी फीचर्ससह सिक्योरिटीसाठी यात साईड माउंटेड फिंगरप्रिंट सेन्सर देण्यात आला आहे. पावर बॅकअपसाठी हा मोबाइल फोन 18वॉट फास्ट चार्जिंग टेक्नॉलॉजीसह 5,000एमएएच बॅटरीला सपोर्ट करतो.
Realme 9i 5G ची किंमत
रियलमी 9आय 5जी फोनचे भारतात दोन व्हेरिएंट्स आले आहेत. फोनच्या बेस व्हेरिएंटमध्ये 4 जीबी रॅमसह 64 जीबी इंटरनल स्टोरेज देण्यात आली आहे. तर दुसरा व्हेरिएंट 6 जीबी रॅमसह 128 जीबी इंटरनल मेमरीला सपोर्ट करतो. हा नवीन रियलमी मोबाइल Soulful Blue, Rocking Black आणि Metallica Gold कलरमध्ये विकत घेता येईल.
Realme 9i 5G 4GB RAM + 64GB Storage = 14,999 रुपये
Realme 9i 5G 6GB RAM + 128GB Storage = 16,999 रुपये
